Бүгүн биһиги нэһилиэкпитигэр ураты уонна долгутуулаах күн буолла. Ол курдук Чурапчыбыт улууһун баһылыгын социальнай боппуруостарга солбуйааччыта Мария Филипповна Кронникова уонна Чурапчыбыт улууһун культураҕа салалтатын салайааччыта Петр Егорович Гуляев, ону тэҥэ олохобут киинин специалиһа Игнатий Борисович Каженкин, И.И. Кандинскай аатынан култуурунай сынньалан киин уус – уран салайааччыта Семен Семенович Ноговицын, биһиги көрдөһүүбүтүн ылынан, бу сылга ыытыллаары турар республиканскай олоҥхо ыһыаҕын чэрчитинэн Кэбээйи улууһун Тыайа нэһилиэгин түмэлигэр көһөрүллүү бэлиэ тааһын туттардылар. Төлөй нэһилиэгэ тус хоту көһөрүллүүгэ улахан охсууну ылбыт нэһилиэк буолабыт. Ол курдук Төлөй нэһилиэгиттэн хас да хоту улуустарыгар тиийэ тиийбиттэрэ биһиги дьоммут. Тыайа нэһилиэгэр эмиэ тиийэ сылдьыбыттара, ытык дьоммутун ахтан санаан туран бу бэлиэ Кэбээйи улууһун дьонугар историяны кэпсиир, сырдатар өйдөбүл, кэриэс буоллун. Кэбээйи улууһугар тиийэн туттарбыт дьоммутугар махталбытын биллэрэбит…