Cэтинньи ый 22 күнүгэр Төлөйбүт нэһилиэгэр үгэскэ кубулуйбут тыа хаһаайыстыбатын күнэ буолан ааста. Нэһилиэк баһылыга И.В. Николаев үрдүк көрдөрүүлээх тыа хаһаайыстыбатын үлэһиттэрин наҕарадалааһынтан саҕаланна, ол кэннэ быйыл ааҥ маннайгытын ыытыллар «Эрэллээх Эркин — Эр киһи» 5 түһүмэхтээх күөн күрэс дьон болҕомтотун тардан, быыр тыынынан тэтимнээхтик буолан ааста, бу күөн күрэскэ В.В. Абрамов кылаан кыайыылаах аатын ылла, хас биирдии кыттааччы анал аатынан наҕараадаланнылар.Күөн — күрэс кэннэ 6-с төгүлүн ыытыллар Өрөспүүбүлүкэтээҕи «Симэммит — Мааныкай 2025» онлайн хаартысканан күрэх түмүгүн иһитиннэрии буолла, ол курдук «Көрөөччү биһирэбилэ» анал аат хаһаайынынан буоллулар Мэҥэ Хаҥалас улууһун Балыктаах нэһилиэгиттэн «Эбирдэй» диэн ааттаах хороҕор муостаах, КФХ «Хаххах» хаһаайка Маргарита Скрябина, 821 куолас хомуйан инники күөҥҥэ таҕыстылар уонна бырайыак ааптарыттан 5 тыыһынча уу хаччынан наҕараадаланнылар. «Кылаан Кыайыылаах» анал аат Чурапчы Чакырыттан «Хаарчаана» диэн хороҕор муостаах, Августа Быганова кыайыылаах буолла уонна 10 тыыһынча уу харчынан А.С. Бродников аатынан «Аартык» Надь туруорбут бирииһинэн наҕараадаланна.